حي الله عباس

حي الله عباس
صوووت ما ندري من وين
صوووت ارجع يابو الحسين
كل شي توهام حيدر تقدم وأخته تبسمم
حي الله عباس
المعاره اتكلمه
وحچت سابع سمه
وصوت امن العساكر والشريعه
وهتاف وينسمع
حمل نبرة ضلع
من الخيمه وأظن صوت الوديعة
منو هذا البرز
أبعلي ليش ارتجز
وفقار المرتضى ابچفه وايطيعه
هلا ابإبني هلا
زعيم المرجله
علي وياك عالزمره الوضيعه
اهنااااك.   
  تلكاني عالماي
اهنااااك.   
 منك ردت هاي
انه الزچيه     
وعندي وصيه
وكلك حميه
يا طيب الساس
حي الله عباس
على ظهر المهر
خنك وجه الظهر
جدح وعله الشمس ذب الشراره
يقلها ادللي
وحك هيبه علي
أخلي الكون يتغير مساره
وحق ضلعچ انا
الوجودامسودنه
وكل جسمي اشتعل غيض وحراره
تراني دخنت
ورچابي قطعة
ييمه امري وأعطي إشارة
وين
وين
مو كالوا ارجال
وين
لا خيل وخيال
أمشي اعله كيفي
والموت ضيفي
وايعجبه سيفي
خطاف الانفاس
عباس عباس حي الله عباس
كفو منك بعد
شبل لبوة أسد
أعرفك يالكمر واعرف فعالك
مثل حامي الحمه
تشيل الموزمه
طحن تطحنها باليمنه وشمالك
أسلمك معصبي
أميري الزينبي
إلك هالرتبه وآنه اعرف جلالك
اريد اترد بدر
على أهل الغدر
وترد خيبر وصفين ابقتالك
باب
خيبر تره الجيش
باب
واتفلشه تفليش
ارفع جبينك
واحرس عرينك
عاشت يمينك
يالكلها نوماس
حي الله عباس حي الله عباس
الألوف الأربعه
تعوف المشرعه
لون أخزرها بعيوني امن اجيها
تظل ما بيها دم
ورجعها عدم
وخلي والدي يسمع بچيها
تصيح امخربطه
منو اللي انزامطه
علي عباس مو ضايع حچيها
وتنادي الكنطره
إجاني حيدره
واكلها آنه الكمر واقره عليها
خوف
بين العده شاع
خوف
بالماي والكاع
وآنه ابضحكتي
احچي اويا إختي
واترس جربتي
مو ماي إحساس
علي عباس
حي الله عباس
اريدك ياكمر
تأدب لي النهر
تكله اشلون اجيلك ماتجيلي
يمهر أم الحسن
رحت لهل الوثن
أموتنك عطش ما بين إديني
إلي الزهره نخت
وأنه كلي بخت
ابتراب أجدامها كحلت عيني
أعصرنك عصر
واجيبك تعتذر
لخت عباس تصرخ سامحيني
ماي
كوم بعجل كوم
ماي
بس إلك هاليوم
كوم أعله حيلك
اتعاند يويلك
كرب رحيلك
باجدامي تنداس
حي الله عباس حي الله عباس
يزهره وعالوعد
فلا أشرب أبد
أذب الماي عالماي وأسطره
أقدملچ نظر
ولا ايهمني الخطر
هديه انطيچ چفيني يزهره
واركز رايتي
علامة وكفتي
وخلي ابكربله هاليوم ذكره
أوفي للأخو
واكر عين الابو
وأنه الما أخلفت بالعهد مره
هاي
أطباع الابطال
هي
يايمه كل حال
خادم ثراكم
واطلب رضاكم
روحي فداكم
يا اشرف الناس
حي الله عباس حي الله عباس