نار الخيام
.
.
.
اتهدي يانار الخيام --- وكوني برداً وسلام
كوني برداً وسلام
على زينب
_________________
هــاي زينــب عــفـة الله والخــدر عنــوانــها
هدي اديهه شبیــچ انتي امچلبه شو بـردانها
السانچ اشطوله علــیهه ال الله بس بلسانها
یمکن استقوتـي چـیف اعله التراب اخوانها
ما تسمعین الکلام --- وکوني برداً وسلام
کونی برداً وسلام
عله زینب
___________________
ارد احلــفچ بالخلـیل ابکثر مابـي معجزات
انتـي مافکرتي زینـب ویــن هاللیــله تبات
عدهه بس اطفال میه واظن میه امخدرات
خیمه ماضـلت علیــهه کل خیمهه محرگات
من تــاذیهــه حرام --- وکوني برداً وسلام
کونی برداً وسلام
عله زینب
_____________________
اشعجب ستر الباري زینب انتی یمها لافیه
ال الله نزلــهه حجاب ویاهه شــو ماوافیه
حافیه وترکض تصیح اسکینه لا ماطافیه
الله يدري اشصار بيها چـيف چـانت حافيه
شبیچ یانار اللئام --- کوني بــرداً وسلام
کوني برداً وسلام
عله زینب
_______________________
زینــب ابـلا وعي صاحت من کثـر مابیها الم
الیسلــم امن الخیل لیــش الــنار منها ماسلم
أحتـرگنه هــا یخــوتي وینــکم یــهل الــرحم
خل یجینه العنده غیره خیامنه صارت فحم
عالنهر کافلهه نام --- وکوني برداً وسلام
کونی برداً وسلام
عله زینب
_____________________
الکربله النـمرود جابــچ للخدر یحـرگ نـبي
وزینـب بوحدهه طفـت بیدهـا کــل العـبي
بالله والمحروگه ادیهـا شلون بیهـا بالسبي
بالحبـل لـو چـَتفـوهـا ویجر بیهه الاجـنبي
الحبل یوصل للعضام --- وکوني برداً وسلام
کوني برداً وسلام
عله زینب
______________________
الخیمه بس ارماد صارت ويه الرمـال انــطبگ
وحــته لعـابت رقـیه ومــهد عبــد الله احــترگ
الکــون من دخان خیمت زینب الحـره اختــنگ
حسین جثه عالتراب وشاف حال اخته وشهگ
غیر وَصاچ الامام --- وکوني برداً وسلام
کوني برداً وسلام
عله زینب
------------------------------
لخادمکم حیدر ترکي الکربلائي
ليست هناك تعليقات:
إرسال تعليق