السيدة زينب تخاطب أخاها الحسين

في ليلة 10 محرم

السيدة زينب تخاطب أخاها الحسين (ع)

يا شَمْسِي بالليل .. حسين حسين حسين حسين

إختك بَلِف ويل .. حسين حسين حسين حسين

باجر سَبي او خيل .. حسين حسين حسين حسين

& & & & &

لا تِوَدِّعْني أطُلْبك لا يغالي .. اوْداعك أكبر والله خويه امْن احْتِمالي

إلا يا خويه إذا رايد دَلالي .. ينذبح بالطف وِصِدُّون الـ خَيالي

لَتْوَدِّعِ ادْخِيل .. حسين حسين حسين حسين

إختك بَلِف ويل .. حسين حسين حسين حسين

باجر سَبي او خيل .. حسين حسين حسين حسين

& & & & &

منهو كال اشمحله توديع الحَبايب ؟! .. إلوِداع ايخلّي كلبك حيل ذايب

وانته تَوديعك فَرُقْ يبْن الأطايب .. يعني نار او خيل وِ اسْياط او خَرايب ..

والمَحْمَل ايميل .. حسين حسين حسين حسين

إختك بَلِف ويل .. حسين حسين حسين حسين

باجر سَبي او خيل .. حسين حسين حسين حسين

& & & & &

من كبُل ما أصير يا خويه أسيره .. خويه رَجِّعْني الـ وَطَن جدي أميره

الليله بسَّ آنه اعْرَفِتْها اشتَعْني حيره .. من كِلِت وَدْعِيني يا شيخ العَشيره

ما ظَل إلِي حيل .. حسين حسين حسين حسين

إختك بَلِف ويل .. حسين حسين حسين حسين

باجر سَبي او خيل .. حسين حسين حسين حسين

& & & & &

امعزِّم اعله الفَرْكه يا خويه أنظرك .. الْهذا خل عندي قميصك حته اذكرك

او خلَّ ابوسك يا أبو اسكينه اعله صدرك .. او كبُل ما تمشي أريد اَشْتَمَّه نحرك

دم نحرك ايسيل .. حسين حسين حسين حسين

إختك بَلِف ويل .. حسين حسين حسين حسين

باجر سَبي او خيل .. حسين حسين حسين حسين

& & & & &

يعني باجر ينكِطِع يا خويه راسك .. وَ نْظُر ابعيني الشمر بنعاله داسك

موت و اجروح او عَطَش يالغالي كاسك .. والمثلث بالصدر يا خويه باسك

باجر عدو ايعيل .. حسين حسين حسين حسين

إختك بَلِف ويل .. حسين حسين حسين حسين

باجر سَبي او خيل .. حسين حسين حسين حسين

& & & & &

لا توصِّيني على اسكينه او رقيه .. اعيالك ابعيني أباريهُم سِوِيه

بس كبُل مَتْروح يا روح الزجيه .. وَصِّي دهرك عالمُتُون الزينبيه

ايناديكِ لِدْليل .. حسين حسين حسين حسين

إختك بَلِف ويل .. حسين حسين حسين حسين

باجر سَبي او خيل .. حسين حسين حسين حسين

& & & & &

خادم السيدة زينب (ع) : إبراهيم الدريس